विराटनगर, असार २० गते ।
झापा, सुनसरी, धनकुटा र उदयपुरबाट लागू औषध सहित १५ जनालाई प्रहरीले पक्राउ गरेको छ । कोशी प्रदेश प्रहरी कार्यालय विराटनगरको सुरक्षा सनिश्चितता अभियान अन्तरगत लागू औषध नियन्त्रण गर्ने कार्य योजना अनुसार सम्बन्धित एरिया इलाकाहरुबाट परिचालन भएको प्रहरी टोलीले पक्राउ परेका ब्यक्तीहरुको साथबाट १४ ग्राम ७ सय ५४ मिलिग्राम ब्राउन सुगर र ६० किलो ६५ ग्राम ७२० मिलिग्राम गाँजा बरामद गरेको छ । पक्राउ परेका उनिहरुको आवश्यक थप अनुसन्धान भईरहेको छ ।
