सारांश
महाशिवरात्रिको अवसरमा प्रदर्शनमा आएका फिल्महरू एकपछि अर्को गर्दै स्थगित हुन थालेका छन्।
फिल्म ुबिगुलु र ुश्री बुकुरोु पछि ुशिवांश स् च्याप्टर १ु ले पनि प्रदर्शन स्थगित गरेको छ।
निर्माण संस्थाले उपयुक्त समयमा शो नपाएको भन्दै अर्को सूचना नआएसम्मका लागि प्रदर्शन स्थगित गरेको जनाएको छ।
काठमाडौँ । महाशिवरात्रिको अवसर पारेर फागुन १ गते प्रदर्शनमा आएका फिल्महरूका प्रदर्शन स्थगित गर्न थालिएको छ । फिल्म ‘बिगुल’ र ‘श्री बुकुरो’पछि अहिले ‘शिवांश स् च्याप्टर १’ ले पनि प्रदर्शन स्थगित गरेको छ । फिल्म निर्माण संस्था अन्जन सिने प्रोडक्सन हाउसले एक विज्ञप्ति जारी गर्दै फिल्मको प्रदर्शन बुधबारबाट स्थगित गरेको हो ।
फिल्मले उपयुक्त समयमा शो नपाएको भन्दै निर्माण संस्थाले अर्को सूचना नभएसम्मका लागि प्रदर्शन स्थगित गर्ने निर्णय गरेको हो । पौराणिक हिन्दु मान्यता र आधुनिक युगको रहस्यलाई रोचक ढङ्गले प्रस्तुत गरेको फिल्म सन्तोषकुमार आत्रेयले निर्देशन गरेका हुन् । फिल्ममा प्रवीण खतिवडा, तेज गिरी, विमला लिम्बू, रुषा न्यौपानेको मुख्य भूमिका छ ।
फिल्ममा विकास जोशी, प्रदीपकुमार चौधरी, सबिर चुरौटे, उदयकुमार सुब्बा, टीका निरौला लगायतका कलाकारको अभिनय छ । अञ्जान केसी निर्माता रहेको फिल्मका सह–निर्मातामा शोभा भण्डारी र अनिस केसी बोगटी, कार्यकारी निर्माता शम्भु थापा हुन् ।
