विराटनगर, कार्तिक १ ।
सरकारले तोकेको न्यूनतम तलब नपाएको भन्दै विराट मेडिकल कलेज टिचिङ हस्पिटलका नर्स र स्वास्थ्यकर्मीहरूले शनिबारदेखि आन्दोलन सुरु गरेका छन्।
बिहानैदेखि कार्यबहिष्कारमा उत्रिएका उनीहरूले अस्पताल परिसरमै नाराबाजी गर्दै प्रशासनलाई सरकारको निर्णय कार्यान्वयन गर्न दबाब दिएका छन्। आन्दोलनरत नर्सहरूले भनेका छन्,
“सरकारकै दररेटअनुसार तलब दिनु हाम्रो अधिकार हो। माग पूरा नभए आन्दोलनलाई अझ कडा बनाइनेछ।”
आन्दोलनका कारण अस्पतालको दैनिक सेवा ठप्प बनेको छ। नियमित उपचार सेवा, प्रयोगशाला र नयाँ बिरामी भर्ना प्रक्रिया रोकिएको छ भने आपतकालीन सेवा पनि प्रभावित भएको अस्पताल स्रोतले जनाएको छ।
अस्पतालका प्रमुख कार्यकारी डेनिस कार्कीले भने समस्या समाधानका लागि छलफलको बाटो अपनाउन तयार रहेको बताएका छन्।
उनका अनुसार, “अस्पतालले आफ्नो स्रोतअनुसार तलब दिएको हो। तर स्थायी समाधानका लागि सरकारसँग छलफल गर्न तयार छौं।”
सेवा अवरुद्ध हुँदा उपचारका लागि आएका बिरामी र उनीहरूका आफन्तले असन्तुष्टि जनाएका छन्। बिरामीका परिवारहरूले भनेका छन्,
“स्वास्थ्य सेवा अत्यावश्यक हो, तलब विवादले जनताको उपचार बन्द हुनु हुँदैन।
