मोरङ, पुस १३ गते ।
मोरङको जहदा गाउँपालिका–२ स्थित स्थानबाट ३३० किलोग्राम लागू औषध गाँजासहित २ जना भारतीय नागरिकलाई प्रहरीले हवाई फायर गरी नियन्त्रणमा लिएको छ ।
विशेष सूचनाको आधारमा पुस १२ गते राति जिल्ला प्रहरी कार्यालय मोरङबाट खटिएको प्रहरी टोलीले गाँजाको बोरा बोकी भारततर्फ जाँदै गरेका भारतको अररिया जिल्लाका २४ वर्षीय अबुल हसन र ३० वर्षीय सोहेल खानलाई रोक्न खोज्दा उनीहरूले बोरा फ्याँकेर भाग्ने प्रयास गरेका थिए ।
उनीहरूलाई नियन्त्रणमा लिने क्रममा प्रहरी टोलीले १ राउन्ड हवाई फायर गरेको थियो, जसपछि दुवै जनालाई नियन्त्रणमा लिइएको हो । लागू औषध गाँजासहित पक्राउ परेका उनीहरूमाथि थप अनुसन्धान भइरहेको जिल्ला प्रहरीले जनाएको छ ।
