आयोगले डामेका ओलीसहित यी अधिकारीमाथि अब अघि बढ्नेछ कारबाही
रातोपाटी सारांश
सरकारले गौरीबहादुर कार्की नेतृत्वको जेनजी आन्दोलनसम्बन्धी जाँचबुझ आयोगको सिफारिस कार्यान्वयन गर्ने निर्णय गरेको छ।
तत्कालीन प्रधानमन्त्री केपी शर्मा ओली, गृहमन्त्री रमेश लेखक र आईजीपी चन्द्र कुवेर खापुङ कारबाहीको दायरामा आउने भएका छन्, जसमा १० वर्षसम्म जेल सजायको सिफारिस छ।
मन्त्रिपरिषद्को निर्णयपछि गृह मन्त्रालयले निर्देशन दिने र प्रहरीले अनुसन्धान अघि बढाउनेछ, सरकारी वकिलको कार्यालयले मुद्दा दायर गर्ने वा नगर्ने निर्णय गर्नेछ।
काठमाडौँ । सरकारले गौरीबहादुर कार्की नेतृत्वको जेनजी आन्दोलनसम्बन्धी जाँचबुझ आयोगले गरेको सिफारिस कार्यान्वयन गर्ने भएसँगै तत्कालीन प्रधानमन्त्री केपी शर्मा ओली लगायत कारबाहीको दायरमा आउने भएका छन् ।
बालेन शाह नेतृत्वको मन्त्रिपरिषद्को शुक्रबार बसेको पहिलो बैठकले नै कार्की आयोगको प्रतिवेदनलाई कार्यान्वयनमा लैजाने गरेको हो ।
यो निर्णयसँगै जेनजी आन्दोलनमा दोषी देखिएकामध्येका तत्कालीन प्रधानमन्त्री केपी शर्मा ओली, गृहमन्त्री रमेश लेखक र आईजीपी चन्द्र कुवेर खापुङ कारबाहीको दायरमा आउने भएका हुन् । उनीहरूमाथि आयोगले १० वर्षसम्म जेलसजायको सिफारिस गरेको छ ।
मन्त्रिपरिषद्को बैठकले आयोगले सिफारिस गरेका व्यक्ति र निकायमध्ये सुरक्षा संयन्त्रको हकमा भने अध्ययन समिति गठन गरी सो समितिले पेस गर्ने सिफारिस बमोजिम गर्ने निर्णय गरेको सरकारका नवनियुक्त प्रवक्ता सस्मित पोखरेलले जानकारी दिए ।
ओलीलगायतको हकमा भने सो आयोगले गरेको सिफारिसलाई तत्काल कार्यान्वयन गर्न सम्बन्धित निकाय ९गृह मन्त्रालय लगायत० लाई निर्देशन दिने निर्णय भएको उनको भनाइ छ ।
प्रक्रिया के हुन्छ
मन्त्रिपरिषद्ले निर्णय गरेर गृहले निर्देशन दिएपछि ओलीलगायतको हकमा प्रहरीले प्रतिवेदनका आधारमा अनुसन्धान अघि बढाउँछ । अनुसन्धानका क्रममा प्रमाण सङ्कलन गरेर अभियोजनका लागि प्रहरीले सरकारी वकिलकहाँ पठाउँछ । सरकारी वकिलको कार्यालयले मुद्दा अदालतमा दायर गर्ने कि नगर्ने भन्ने अन्तिम निर्णय गर्छ । यस्तो अवस्थामा सरकारी वकिलको कार्यालयलाई निर्देशन दिने या नदिने भन्ने अधिकार महान्यायाधिवक्ताको कार्यालयलाई हुन्छ ।
यी हुन् आयोगले डामेकाहरू
तत्कालीन प्रधानमन्त्री– केपी शर्मा ओली
तत्कालीन गृहमन्त्री– रमेश लेखक
तत्कालीन आईजीपी–चन्द्रकुवेर खापुङ
९उनीहरुले ‘फौजदारी लापरबाही’ र जिम्मेवारीबाट पन्छिएको कसूर गरेको आयोगको ठहर छ ।०
कारबाही सिफारिस प्रशासनिक तथा सुरक्षा निकायका उच्च अधिकारीहरू
गोकर्णमणि दुवाडी स् तत्कालीन गृह सचिव।
राजु अर्याल स् तत्कालीन सशस्त्र प्रहरी महानिरीक्षक ।
हुतराज थापा स् तत्कालीन प्रमुख, राष्ट्रिय अनुसन्धान विभाग।
छविराज रिजाल स् तत्कालीन प्रमुख जिल्ला अधिकारी ९प्रजिअ०, काठमाडौँ।
कारबाही सिफारिस नेपाल प्रहरीका अधिकारीहरू
सिद्धिबिक्रम शाह स् प्रहरी अतिरिक्त महानिरीक्षक, कार्य विभाग प्रमुख।
ओमबहादुर राना स् प्रहरी नायव महानिरीक्षक, तत्कालीन कार्यवाहक प्रमुख, रानीपोखरी।
विश्व अधिकारी स् प्रहरी वरिष्ठ उपरीक्षक, तत्कालीन प्रमुख, काठमाडौँ प्रहरी परिसर।
दीप शम्शेर जबराः प्रहरी वरिष्ठ उपरीक्षक, रानीपोखरी।
ऋषिराम कँडेल स्प्रहरी उपरीक्षक, विशेष कार्यदल।
दानबहादुर कार्की स् प्रहरी अतिरिक्त महानिरीक्षक, हतियार सुरक्षामा ध्यान नपुर्याएको र सरुवाको विषयमा।
कारबाही सिफारिस सशस्त्र प्रहरी बलका अधिकारीहरू
नारायणदत्त पौडेल स् सशस्त्र प्रहरी अतिरिक्त महानिरीक्षक, तत्कालीन अपरेशन कमाण्डर।
सुरेश कुमार श्रेष्ठ स् सशस्त्र प्रहरी नायव महानिरीक्षक, वाहिनीपति।
जीवन केसी स् सशस्त्र प्रहरी उपरीक्षक, विपद् उद्धार।
कारबाही सिफारिस राष्ट्रिय अनुसन्धान विभाग
कृष्णप्रसाद खनाल स् सह–निर्देशक, उपत्यका अभियान महाशाखा।
रिबेन कुमार गच्छदार स् सह–अनुसन्धान निर्देशक, काठमाडौँ जिल्ला प्रमुख।
कारबाही सिफारिस नेपाली सेनाका अधिकारीहरू
मनोज बैदवार स् सहायक रथी, राष्ट्रपति भवन ९शीतल निवास० सुरक्षा टोली प्रमुख।
दिवाकर खड्का स् प्रमुख सेनानी, प्रधानमन्त्री निवास ९बालुवाटार० सुरक्षा टोली प्रमुख।
गणेश खड्का स् प्रमुख सेनानी, सिंहदरबार सचिवालय सुरक्षा टोली प्रमुख।
सन्तोष ढुङ्गेल स् सेनानी, संसद् भवन र बानेश्वर क्षेत्र सुरक्षा टोली प्रमुख।
अन्य समूह कारबाही सिफारिस
टीओबी ग्रुप स् भीडलाई उक्साउने र शान्ति भङ्ग गर्ने कार्यमा संलग्न भनिएका मोटरसाइकलमा आएका व्यक्तिहरू ९फौजदारी संहिताको दफा ३५ अनुसार छानबिन गर्न सिफारिस०।
