एजेन्सी
मङ्गलबार, ०२ वैशाख २०८२,
डार्फर । सुडानको डार्फर क्षेत्रमा विद्रोही अर्धसैनिक र्यापिड सपोर्ट फोर्सेस ९आरएसएफ० ले पछिल्लो समयमा गरेको आक्रमणमा ४ सयभन्दा बढीको मृत्यु भएको ‘विश्वस्त स्रोत’ लाई उद्धृत गर्दै संयुक्त राष्ट्रसंघले जानकारी दिएको छ ।
गत हप्ता आरएसएफले विपक्षी सुडानी सेनाको कब्जामा रहेको राजधानी डार्फरलाई कब्जा गर्ने लक्ष्यसहित एल–फासेर सहरको आसपासमा रहेको शरणार्थी क्याम्पमा भीषण स्थल र हवाई आक्रमण गरेको थियो ।
देशका दुई सुरक्षा बलहरूबिच सन् २०२३ को अप्रिलदेखि हिंसात्मक शक्ति संघर्ष जारी रहेको छ । यसले विश्वकै सबैभन्दा ठुला मानवीय संकट सिर्जना गरेको छ भने लाखौँ मानिस आफ्नो घर छाडेर जान बाध्य भएका छन् । राष्ट्रसंघले बिहीबारदेखि शनिबारसम्म १ सय ४८ जनाको मृत्यु भएको पुष्टि गरेको छ । तर, यो संख्या योभन्दा निकै धेरै भएको राष्ट्रसंघको भनाई छ ।
राष्ट्रसंघकी प्रवक्ता रविना सामदासिनीले यसको पुष्टि गर्ने काम जारी रहेको बताइन् । उनले भनिन्, ‘विश्वस्त स्रोतहरूले ४ सयभन्दा बढीको मृत्यु भएको बताएका छन् ।’
यसमध्ये मारिनेमा ९ जना राहतकर्मीहरू रहेका छन् । (बीबीसी
